@ d bar

Am Stammtisch

“Am Stammtisch” (4. July 2019)

text

Hogga do am Stammtisch bis am Schluss, isch kai Schtuss, isch kai Saich…      Wer nid do isch, dä isch doch biraweich.

ntig, Ziischtig, Mittwuch, Donschtig, Fritig, Samschtig, Suntig hogg i do, immer no…

Und wenn das Telefon chunt vu dahai, säg i em Baizer, er söll säga, er hegg mi z’letscht mol xeh, geschtr, am halbi zwei…

Will niamert do tuat üseri ideal betrüga und am Personal ins Füdli chlüba, und dahai no drüber lüga.

Will i muass do no bliba, politik betriba, Medikament fürDorf, Kanton und Land vürschriba. Isch doch offasichtlich, dass…

Sozialischta, Idealischta, Hippie Träumer, Pazifischta, Musiker, Künstler, Märlitanta, Stars und Promis, Journalischta

Feminischta, Aktivischta bringen doch gar Null, Nüt, Nix  Null, Nüt, Nix…  Null, Nüt, Nix uf dPischta. 

I will mini Frau und Chind vu all dem Gsindel gschützt ha! Vu däna Schwinder, Gauner, Schlitzora, vu däna Messerstecher iiibrecher,

Flüchtling, Immigranta, Asylantar, Nihilischta. Vor däna Gottverdammta internationala Terrorischta. Chrummi

Richter,  kriminelli Polizischta, und so wiiter… Hai nomol isch das a furchtbar, furchtbar, furchtbar langi, langi Lischta.

Kommunischta, Diktatora, Bänkler, Multis, Kapitalischta.Subversivi, rechti, linggi Extremischta,  Liadermacher,

Drogahändler, Anarchischta, Arbeitslosi, Chinderschänder, Muskelprötz vu fremda Länder Atheischta…

Bundesröt, Politiker und Intellektuelli Sozialkritiker…     gwüssalosi Luftverschmutzer,

Illegali WC-butzer. Poligami Islamischta, Kiffer, Fixer, Räuber und Jurischta. Pädophili Prieschter und Sadischta khören alli zämma doch, jeda hinderscht ainzig khört in d’Chischta! Ab ins Gfängnis, ab in d’Chischta!   Usa, Usamischta!

Hogga do am Stammtisch bis am Schluss, isch kai Schtuss, isch kaiSaich…      Wer nid do isch, dä isch doch biraweich.

akkorde

:: Em – Em – Am – Am ::

Ending vamps on Em.